2024 წლის ოქტომბერში წარდგენილი კოლექტიური საჩივრის საფუძველზე, ადამიანის უფლებათა ევროპულმა სასამართლომ ე.წ. „რუსულ კანონთან“ დაკავშირებული საქმე ოფიციალურად წარმოებაში მიიღო.
BM.ge-ს ცნობით, ადამიანის უფლებათა ევროპულ სასამართლოში გაგზავნილი საჩივარი მოიცავდა შემდეგ მუხლებს:
საიას ხელმძღვანელის განცხადებით, საქმე სრულად მიიღეს წარმოებაში და შესაძლოა მას მიენიჭოს „მნიშვნელოვანი ზეგავლენის მქონე საქმის“ სტატუსი. BM.ge-ს მასალაში ასევე აღნიშნულია, რომ საჩივრის გაგზავნის შემდეგ სამოქალაქო საზოგადოების წინააღმდეგ მიმართული ნაბიჯები კიდევ უფრო გაძლიერდა. მათ შორის, მაგალითად მოჰყავთ პარლამენტში FARA-ს ე.წ. "სიტყვასიტყვითი თარგმნის" ინიცირება.
რადიო თავისუფლების მიერ გამოქვეყნებული ანალიზი ფოკუსირდება მმართველი პარტიის ახალ საკანონმდებლო ინიციატივაზე, რომელიც ეფუძნება აშშ-ის „უცხოეთის აგენტების რეგისტრაციის აქტის“ (FARA) თარგმანს. როგორც სტატიის ავტორები აღნიშნავენ, „ქართული ოცნება“ აცხადებს, რომ აშშ-ში არსებული მოდელის გამოყენებით სურს უზრუნველყოს უცხოური დაფინანსების გამჭვირვალობა. მოგვიანებით არაერთმა სამოქალაქო და მედია ორგანიზაციამ განმარტა, რომ ქართული ფარა არსებითად განსხვავდება ამერიკულისგან.
რადიო თავისუფლება იუწყება, რომ კანონპროექტის მიხედვით აგენტებად შესაძლოა ჩაითვალონ ის პირები ან ორგანიზაციები, რომელთა საქმიანობაც დაფინანსებულია, კონტროლირდება ან იმართება უცხოური ძალის მიერ, ან მოქმედებენ მისი ინტერესებიდან გამომდინარე.
დამატებით, სტატიაში მოყვანილია ციტატები იურიდიული კომიტეტის თავმჯდომარის არჩილ გორდულაძისგან, რომელმაც პარლამენტში კანონპროექტის წარდგენისას განაცხადა, რომ უცხოური ძალის გავლენის ქვეშ მყოფი ორგანიზაციები ხშირად ხელს უშლიან ქვეყნის სუვერენიტეტს და ახალისებენ ძალადობრივ აქციებს. მისივე თქმით, ახალი რეგულაციები „ყველაფერს გაამჭვირვალეს გახდის“.
რადიო თავისუფლება ასევე განიხილავს კანონპროექტის შინაარსობრივ მხარეებს და მიუთითებს იმ გამონაკლისებზე, რომლებიც ახალი კანონით გათვალისწინებულია — მაგალითად, ის მედია და არასამთავრობო ორგანიზაციები, რომლებიც საქართველოს კანონმდებლობის ფარგლებში მოქმედებენ, არ ითვლებიან „აგენტებად“, თუ არ არიან უცხოური პრინციპალის მიერ მართული ან დაფინანსებული.
