Toktv.ge წერს, რომ UEFA-მ ოფიციალურად უპასუხა საქართველოში მოქმედ მედია ორგანიზაციას და დაადასტურა, რომ მატჩის შემდეგ მომხდარი ინციდენტების შესწავლა დაწყებულია. წერილობითი პასუხის თანახმად, თუ დარღვევები დადასტურდება, საკითხი დისციპლინარულად განიხილება.

UEFA-ს ოფიციალურ პასუხში აღნიშნულია, რომ "შეგროვებული მასალების საფუძველზე გადაწყდება, საჭიროა თუ არა დისციპლინარული პროცედურების დაწყება“.

რადიო თავისუფლება – ქომაგთა რეაქციები და პოლიტიკური შეძახილები

რადიო თავისუფლება ამახვილებს ყურადღებას იმაზე, რომ მატჩის დროს "დინამო არენაზე" გულშემატკივრების მხრიდან პოლიტიკური ხასიათის შეძახილები ისმოდა — მათ შორის ფრაზა: „პუტინ ხუილო“.გარდა ამისა, სტატიაში განხილულია მატჩის საშინაო უპირატესობა, მაღალი შედეგიანობა და იმ ისტორიული დომინაციის სტატისტიკა, რაც საქართველოს სომხეთთან ურთიერთშეხვედრებს უკავშირდება.

რადიო თავისუფლებას, როგორც სხვა ქართულენოვან მედიებს, მოჰყავთ ფეხბურთის ფედერაციის პრეზიდენტის ლევან კობიაშვილის განცხადება. კერძოდ: ,, “ამ სრულიად მიუღებელი ქმედების გამო, შეურაცხვყავით როგორც სტუმარი გუნდის გულშემატკივარი, ისე საშუალება არ მიეცა ჩვენს ნაკრებს, ერთგულ ქომაგებთან ერთად ეზეიმა გამარჯვება. მსგავსი ქმედება აზარალებს ფეხბურთს და ჩრდილს აყენებს ჩვენი ქვეყნის საერთაშორისო იმიჯს. აღნიშნული შემთხვევა შესაძლოა უეფას მხრიდან სანქციების მიზეზი გახდეს, შესაბამისად დააზარალოს ჩვენი ნაკრები და ქართული ფეხბურთის გულშემატკივარი", - წერს ის სოციალურ ქსელში.

La Gazzetta – სტადიონზე ქცევის კრიტიკა და „კლასის ნაკლებობა“

LaGazzetta.ge მკაცრად აკრიტიკებს სტადიონზე განვითარებულ მოვლენებს, განსაკუთრებით მატჩის შემდეგ სომეხ გულშემატკივრებთან მომხდარ დაპირისპირებებს.სტატიაში საუბარია იმაზე, რომ აღნიშნული ინციდენტები ვერ აფასებს გამარჯვებულის ღირსებას და „კლასის დეფიციტზე“ მიუთითებს:

„...ეს არ იყო ზეიმი გამარჯვების, ეს იყო მოწინააღმდეგის დამცირება — რაც არ ეკადრება ძლიერ გუნდს...“ — წერია სტატიაში.

La Gazzetta ასევე ხაზგასმით მიუთითებს, რომ UEFA-სგან სანქციები სრულიად რეალისტურია, რადგან ქომაგთა ქმედებები სცდება სპორტულ კულტურას და არღვევს საერთაშორისო სტანდარტებს.

რა სანქციები შეიძლება დააწესოს UEFA-მ მსგავსი ინციდენტების შემთხვევაში?

UEFA-ს დისციპლინარული რეგულაციები მკაცრად განსაზღვრავს გულშემატკივართა ქცევის წესებს, განსაკუთრებით მატჩების დროს სტადიონზე.

შესაძლო სანქციები მოიცავს:

მაგალითები:

• 2019 წელს, მონტენეგროს ნაკრები დასაჯეს რასისტული შეძახილების გამო, რის შედეგადაც ერთი მატჩი ცარიელ სტადიონზე ჩაატარეს.

• 2021 წელს, უნგრეთის საფეხბურთო ფედერაციას დაეკისრა 100,000 ევროზე მეტი ჯარიმა და 3-მატჩიანი დისკვალიფიკაცია ქომაგების გამო, რომლებიც მატჩზე შეურაცხმყოფელ შეძახილებს და ჟესტებს იყენებდნენ.

2025 წლის 23 მარტს თბილისის "დინამო არენაზე" გამართული ერთა ლიგის პლეი-ოფის საპასუხო მატჩი, რომელშიც საქართველოს ნაკრებმა სომხეთი ანგარიშით 6:1 დაამარცხა, როგორც სპორტულ წარმატებად, ისე დისციპლინური განხილვების საგნად იქცა.

მიუხედავად შედეგისა, მატჩის შემდგომ განვითარებულმა ინციდენტებმა UEFA-ს ყურადღება მიიპყრო, რაც საქართველოში მოქმედმა მედიამაც ფართოდ გააშუქა. სტატიაც ამ გაშუქების ანალიზით მომზადდა.