ოთხი ადამიანი დაიღუპა მას შემდეგ, რაც მთის საბაგირო კაბინა ნეაპოლის მახლობლად, სამხრეთ იტალიაში, მიწას დაენარცხა - განაცხადეს სასწრაფო დახმარების სამსახურებმა.

იტალიურმა მედიამ განაცხადა, რომ ორი ბრიტანელი და ორი ისრაელელი დაიღუპა, რაც კერ ზუსტდება.

კიდევ ერთი ადამიანი "უკიდურესად სერიოზულად დაშავდა" ავარიაში მთა ფატიოში და ვერტმფრენით გადაიყვანეს საავადმყოფოში, განაცხადეს ოფიციალურმა პირებმა.

ადგილობრივმა მედიამ განაცხადა, რომ კაბინა მთის მწვერვალთან ახლოს იყო, როდესაც ერთ-ერთი კაბელი, რომელიც მას იჭერდა გაწყდა

პროკურორებმა დაიწყეს გამოძიება მას შემდეგ, რაც ოფიციალურმა პირებმა დაადასტურეს, რომ დაღუპულები სამი მგზავრი და საბაგირო მანქანის მძღოლი იყვნენ.

მეორე კაბინაც იმყოფებოდა ხაზზე იმ დროს, მაგრამ ხეობის ძირში მდებარეობდა - 16 ადამიანი გადაარჩინეს და უსაფრთხოდ აიყვანეს.

რეგიონის პრეზიდენტმა, ვინჩენცო დე ლუკამ, თქვა, რომ ყველა მსხვერპლი ტურისტი იყო.

გაერთიანებული სამეფოს საგარეო საქმეთა ოფისმა განაცხადა, რომ ის იტალიურ ხელისუფლებასთან კონტაქტშია, მაგრამ არ დაუდასტურებია ადგილობრივი მედიის ცნობები იმ ადამიანების ვინაობის შესახებ, რომლებიც დაიღუპნენ.

დე ლუკამ დასძინა, რომ ამინდის ცუდმა პირობებმა, ნისლმა, ქარმა და წვიმამ, გაართულა მაშველებისთვის იმ ტერიტორიაზე მისვლა, სადაც კაბინა ჩამოვარდა.

სამაშველო ოპერაციებში მონაწილეობა მიიღო 50-ზე მეტმა მეხანძრემ, განაცხადა სახანძრო სამსახურმა.

იტალიურმა მედიამ განაცხადა, რომ საბაგირო მანქანა ციცაბო ტერიტორიაზე მოძრაობდა, როდესაც კაბელი გწუდაა. მთა ფატიო ზღვის დონიდან 1100 მეტრზეა.

კასტელამარე დი სტაბიას მერმა, სადაც საბაგირო მდებარეობს, განაცხადა, რომ სავარაუდოდ, ტრაქციული კაბელი გატყდა.

"ჩამოსასვლელი სასწრაფო მუხრუჭი მუშაობდა, მაგრამ, ცხადია, არა კაბინაზე, რომელიც ბორცვის მწვერვალს უახლოვდებოდა", - განუცხადა მან იტალიურ მედიას.

მან დასძინა, რომ საბაგირო ხაზის რეგულარულ უსაფრთხოების შემოწმებებს ატარებდნენ, რომელიც ქალაქიდან მთის მწვერვალამდე სამ კილომეტრზეა გადაჭიმული.

კომპანიამ, რომელიც მართავს მომსახურებას, EAV-ის საზოგადოებრივი ტრანსპორტის ფირმამ, განაცხადა, რომ სეზონური საბაგირო "10 დღის წინ გაიხსნა ყველა საჭირო უსაფრთხოების პირობით".

"დღეს რაც მოხდა, არის წარმოუდგენელი, გაუთვალისწინებელი ტრაგედია", - განაცხადა EAV-ის აღმასრულებელმა დირექტორმა უმბერტო დე გრეგორიომ.

იტალიის პრემიერ-მინისტრმა ჯორჯია მელონიმ, რომელიც ინციდენტის დროს ვაშინგტონში იმყოფებოდა, მიუსამძიმრა დაღუპულთა ოჯახებს.

მთა ფატიოს საბაგირო 1952 წლიდან მუშაობს. მსგავსი ავარია 1960 წელს მოხდა, რის შედეგადაც ოთხი ადამიანი დაიღუპა.

2021 წელს, 14 ადამიანი დაიღუპა, როდესაც საბაგირო, რომელიც აკავშირებს პიემონტის რეგიონის ჩრდილოეთ იტალიის ტბა მაგიორესთან ახლომდებარე მთასთან, მიწას დაეჯახა. მიზეზი აქაც იყო გაწყვეტილი კაბელი და სასწრაფო მუხრუჭის გაუმართაობა.